Resultados narrador por "వర ప్రసాద్" en Todas las categorias

పురుషుడిలా ముఖం మీద గడ్డం ఉన్న స్త్రీ గురించి ఈ కథ జరుగుతుంది. రషీద్ ఆమెను మొదటిసారి బస్టాండ్‌లో చూసి ఆశ్చర్యపోయి అతను తన స్పృహ కోల్పోయాడు. రెండోసారి కాలేజీలో ఆమెను చూశాడు. కాలేజీలో అబ్బాయిలు తనని ఎగతాళి చేసేవారు మరియు తన గడ్డం కారణంగా ఆమెకు మిస్టర్ హమీద అని పేరు పెట్టారు. అబ్బాయిల ఈ చర్యలు రషీద్‌కి నచ్చలేదు. అతను హమీదతో స్నేహం చేయడానికి ప్రయత్నించాడు, కానీ ఆమె నిరాకరించింది. ఒకసారి హమీద అనారోగ్యం పాలైనప్పుడు, ఆమె షేవ్ చేయమని రషీద్‌ను పిలిచింది. అలా ఇద్దరూ స్నేహితులుగా మారారు

1897న ప్రచురింపబడిన కన్యాశుల్కం అనే నాటకం తెలుగు సాహిత్య చరిత్రలో ఒక ముఖ్యమైన ఘట్టం. దీన్ని రచించిన వారు గురజాడ అప్పారావు. తెలుగు సాహిత్యానికి ఆధునికతను పరిచయం చేసినవారు గురజాడ. ఈ నాటకం తర్వాత తెలుగు సాహిత్యపు తీరుతెన్నులు మొత్తంగా మారిపోయాయి అనటం అతిశయోక్తి కాదు. సామాజిక వాస్తవికతను అద్దం పట్టేదిగా సాగే ఈ నాటకం సమాజంలోని రకరకాల ఆచారాలను, మనుషులను వ్యంగంగా, హాస్యాస్పదంగా చిత్రిస్తూనే సమాజంపై ఓ బలమైన విమర్శను ఎక్కుపెడుతుంది. తెలుగు సాహిత్యం పట్ల ఆసక్తి ఉన్న వారెవరైనా మొట్టమొదట చదవవలసిన పుస్తకం కన్యాశుల్కం.

అడివి బాపిరాజు రాసిన 'కోనంగి' ఒక సాంఘిక నవల. ఈ నవల అప్పటి కాలమాన పరిస్థితులను మన కళ్ళకి కట్టినట్టు చూపిస్తుంది. ఆనతి సామాజిక పరిస్థితులకు అద్దం పడుతూ, నిజాయితీ నిబద్ధత, హాస్య చతురత కలగలిసిన ఒక ఆలోచింపజేసే రచన ఈ కోనంగి. ఇందులో ఒక యువకుడి జీవితం మనందరికీ కనిపిస్తుంది. అప్పట్లో సమాజం లో ఉన్న గొప్ప వ్యక్తుల గురించి చెప్తూ, ఒక యువకుడి గమనాన్ని మనకి తన రచన ద్వారా తెలియజేసే ప్రయత్నం చేసాడు బాపిరాజు.